當係旅遊觀光時，你發現你嘅導遊瞓晏覺，你會點做？

可能你會話投訴佢！

但係四野無人位於約旦嘅Wadi Rum沙漠保護區內，只有我、朋友同導遊，我們只有選擇等待，一個漫長的等待。

Wadi Rum沙漠保護區，係約旦最大的山谷沙漠，因特殊的風化岩石地形又稱為月亮谷。大片紅色沙地在夕陽照耀下呈現酒紅色，所以在阿拉伯語中叫酒红色山谷。

因為沙漠好大而係沙上行車，係需要一定技術同經驗，所以要由專人帶領，否則會迷路或車坎入沙度唔郁得，加上呢度亦冇網絡覆蓋。我們最後等咗個幾鐘，再繼續我哋嘅行程，睇到好靚嘅日落。唔怪之得好多大片包括《普羅米修斯》《火星任務》同《星球大戰外傳：俠盜一號》都係呢度取景。

旅遊最寶貴嘅係體驗當地生活文化，約旦除咗導遊瞓晏覺外，仲有熱愛飮茶嘅文化，去到邊當地人都鍾意請你飲茶（仲要落好多糖）。另外，晨早五點幾就會開廣播（係全世界都聽到個隻）做祈禱！同埋唔好盲目相信GPS，我試過導航去咗軍事機埸呀！真係幾時都要有判別心！！！普遍咁講，約旦風景奇特壯麗，當地人友善，亦好樂意提供協助。